4411/2024-2025

Aizawl dated 24th February 2025: Vawiin khan Ayushman Bharat Digital Mission (ABDM) leh Computer Engineering Department, Mizoram University (MZU) tangkawpin Ayushman Bharat Health Account ID chungchang ah ‘Sensitization Workshop’ buatsaih a ni a, MZU-a Engineering zirlaite an tel a ni. He workshop hi Dr. R. Lalchhanhima, Asst. Professor, IT Department, MZU in kaihhruaiin Dr. V.D. Ambeth Kumar, HOD, Computer Engineering Dept, MZU in kalkhawmte lawmna thu a sawi.

Dr. B. Lalthantluanga, Joint Director, ABDM & SPM, NHM in Ayushman Bharat Digital Mission chungchang sawifiahna neiin an hma lak dan hrang hrangte a tarlang a. Pu Vanlalawmpuia Chhakchhuak, State Nodal Officer, IT, ABDM in Ayushman Bharat Health Account (ABHA) leh Nextgen ehospital HMIS leh ABHA mobile application-te mipui tan a hman tangkai dan a sawi. Saitual District Hospital, ZMC&H, Lunglei District Civil Hospital leh Hnahthial District Hospital-ahte Nexthgen ehospital HMIS hi hmang tan a ni tawh a. Sawrkar damdawi in dang 5, Champhai District Hospital, Khawzawl District Hospital, Lawngtlai District Hospital, Siaha District Hospital leh Kolasib District Hospital-ahte he software hman a nih theih nan inpuahchah fel a ni tawh a. March thla atang hian hman tan tum a nih thu tarlan a ni.

Dr. Candy Lalrempuii, Asst. Professor, Computer Engineering Dept, MZU chuan ABDM te nena Workshop tha tak buatsaih a ni chu lawmawm a tih thu a sawi.

He Workshop ah hian Computer Engineering Dept. Faculty leh zirlaite an tel a, Workshop-a tarlan danin tun dinhmun ah Mizoram chhung ah mi 650000 vel chu ABHA registration nei an ni.