323/2022-2023
Lunglei, 28th April 2022: India Independence kum 75-na lawmna puala program hrang hrang kal zelah Lungleiah 'Azadi Ka Amrit Mahotsav in Jan Bhagidari mode' neih niin vawiin khan Lunglei District Cycling Association leh NYK te nen tangkawpin Lunglei Cycling Rally buatsaih a ni.

Lunglei Cycling Rally hi Lunglei DC Pu Kulothungan A chuan DC office kawtzawl atangin a vailiam a. India ram zalenna kum 75 na lawmna Azadi Ka Amrit Mahotsav kaltlangin hmun hrang hrangah program hrang hrang neih niin Lunglei District-ah pawh a lawmna program kalpui chhoh mek zel a nih thu sawiin, District mipuite chu hmalaknate tha taka thlawpa neitu thinlung pu a tel vek tum turin a chah a. India ram zalenna kum 75 na lawmna Azadi Ka Amrit Mahotsav ngai hlu theih tur leh ram leh hnam hmangaih thar tur te, rinawmna, taimakna leh thahnemngaihna nen hmasawnna lam pan tum theuh turin District mipuite a chah a ni.

Lunglei Cycling Rally hi Lunglei DC Office kawtzawl atanga Sethlun helipad thleng neih a ni.