Vawiin chawhma dar 10:00 khan Backward Regions Grant Fund chungchang ngaihtuahin D.C.s  Conference Hall, Saiha-ah, Saiha District a Head of Department te, Tlawmngaipawl hruaitute leh Chanchinbu miten Meeting an nei.

He Meeting hi Pu Thangchem Zathang, Addional Deputy Commissioner, Saiha chuan a kaihruai a, Pu R.Lalramnghaka, Director, State Institute of Rural Development, Mizoram, Kolasib chuan meeting hi a neihpui a ni. He meeeting ah, hian Saiha District chhunga S.I.R.D. in B.R.G.F. hmanga hna a thawh dan tur leh sum hmuh dante leh hmanna tur hrang hrangte sawi ho a ni a, Pu R.Lalramnghaka, Director, S.I.R.D. chuan planning fel tak nei hmasa lovin hmasawnna rahbi a kaisan theih loh thu sawiin a bul tan that hi a chanve zo tluk ani, a ti a, hmasawnna ke pen turin a bul atanga planning mumal neih a tul thu leh Mizoram State-ah planning kan chaklo hle a, project siam leh a kalpui dan chu kan ti ve thei mai a, sum vawn leh enkawl lam kan mumal loh avangin Department hrang hrangah Plan-implementation ah hma kan sawn theilo a ni a ti bawk. Department hrang hrang hnathawh ah tul hauh lova sum sen inthuah a awm theih thu sawiin department hrang hrang te pawh inrawn tlanga chak zawk leh hlawk zawk a hna kan kalpui thiam a pawimawh a ni, a ti bawk.

He meeting hian S.I.R.D. hnuaia B.R.G..F. hnathawh district chhunga kalpui dan tur hrang hrang te an rel a. District chhunga khaw hrang hrang ah Baseline Survey neih leh Self  Help Group chau tak te pawh din that leh an rel bawk a ni.