Border Area Development Project hnuaia sum lokal ngaihtuahin vawiin khan District Level Implementation Committee chu an Chairman Pu Vanlalngaihsaka, DC, Mamit hovin DC Conference Hall, Mamit-ah an thukhawm.

Chairman chuan Indo-Bangladesh Border Fencing in a nghawng/chawhbuai chhungkuate chawikanna atana ruat BADP hnuaiah hian Rs. 1429.94 lakhs sorkar laipuiin a rawn pek thu sawiin mimal zangnadawmna atana hman tur anih loh thu leh khawtlang tana tangkai tur hmunhma siamna tur a nih thu committee member te a hrilh a. Hei bakah hian Village Level Implementation Committee (VLIC) din theuh tur nih thu VCP kalkhawmte a hrilh bawk a ni. Chairman chuan DPR thehluh aia tlem daih sorkar laipuiin sum a rawn pek avangin a hmanna tur ah khawtlang tana pawimawh zual thur chhuah a, VLIC thutlukna DC Office ah a rang lama thehlut turin a chah a ni.

BADP hnuaia sum lokal hi mimal zangnadawmna atana hman tur a ni lo a, khawtlang mawmawh leh hmunhma tha siamna atana hman tur niin, BADP guideline anga kalpui tur a ni. Heng khua Silsury, Hnahva, Lokhisury leh Rajiv Nagar te hi a dawng thei tura ruahman te an ni.

DLIC ah hian DC, Mamit chu Chairman niin, SDC i/c BADP chu member Secretary a ni a, sorkar official 14 bakah Rajiv Nagar I & II VCP, Silsury VCP 3 leh Hnahva VCP 2 te member an ni a. Vawiin thutkhawm naah hian Marpara North VCP leh member leh Lianbuang Sub-Village Chairman sawm tel an ni bawk.