No.1333/2020-2021  

Telangana state a Mizoram mi leh sa tangkhang lo haw mek, naktuk zingkara Bairabi Rail station-a lo thleng tur te dawnsawn dan tur inpuahchahna chu peihfel tawh niin, Kolasib district a officer mawhphurna latu hrang hrang ten a hmunah vawiin khan an endik.

Naktuka Mizoram mi leh sa Telangana atanga lo thleng tur te hi Bus 32 hmangin an awmna district theuh ah thlah an ni dawn a, district hlat dan a zirin Bus hi an chhuak dawn a ni. Siaha district mi leh sa phurtu bus a chhuak hmasa ber ang a, Kolasib district phurtu an chhuak hnuhnung ber dawn a ni. Chaw hi Bairabi rail station ah, rel chhungah pek an ni ang a, Screening point 10 siamah te uluk tak a endik an nih hnuah Bus hian rail station hi an chhuahsan dawn a ni. Bairabi Rail station an chhuahsan hnu hian Meidum khaw daiah Hot zone atanga lo kalte chu Rapid Antibody Test neih tir an ni ang a, hemi zawh hian Liason Officer te kaihhruaina hnuaiah Kolasib district ramri thleng thlah an ni leh ang. Kolasib district mi leh sa te chu Facility quarantine ah dahhran an ni nghal ang. Bairabi Rail station a Screening kalpuinaah hian Covid-19 rinhlehawm an awm anih chuan Sawrkar kalphung duansa angin ZMC ah phurh chhoh nghal an ni ang a, hemi tur hian Rail station-ah Ambulance dah a ni bawk.