1161/2022-2023

Aizawl The 6th July 2022 Nilaini: Nimin Dt 5.7.2022 Thawhlehni khan Rajya Sabha MP Pu K.Vanlalvena leh Road and Infrastructure Development Board Vice Chairman Pu Er H.Lalzirliana MLA chuan Union Minister of Road Transport and Highway Pu Nitin Jairam Gadkari leh MORTH Secretary Pu Giridhar Aramane chu an office Chamber Delhi ah an kawm a.Road transport deptt hnuaia Mizoram hmasawnna tur thil pawimawh chi hrang hrangte an sawi pui.

MP Pu Vena leh MLA Pu Zira te chuan Bairabi leh Mamit inkar kawngpui chu Double Lane kawnga siam a tul thu leh National Highway a puan ngei a tul thu Minister hnenah hian an thlen a.Minister chuan tihhlawhtlin ngei a nih tur thu sawiin hun rei lote hnuah National Highway atana puanna order tihchhuah a nih tur thu a sawi nghal a ni.

Pu Vena leh Pu Zira te hian MORTH Minister leh Secretary hnena an lo thehluh tawh thil dangte an bawhzui nghal a.Mizoram leh Manipur dawh zawmtu tur Tuivai bridge,bailey bridge tura ruahmanna lo awm tawh sa chu Modular Bridge 70R siam zawk tura tih a nih thu te leh 2022-23 budgetah khung a nih tawh thu Minister hian a lo hrilh a.Tlabung bul Khawthlang tuipui chungah Lei dawh tur chungchang pawh DPR siam zawh a nih tawh thu te ,Home Ministry leh Defence lamte nen a an lo sawi ho tur thu te a sawi bawk a.Mara District chhim thlang tawpa lawng kal theihna khua Lawngmasu thlenga Double lane kawng lai tura nikum lama ngenna an thlen tawh chungchang pawh sawi in ,ZORINPUI atanga double lanea laihpawh a nih tur thute Minister hian a sawi nghal bawk a ni.

Sairang to Tripura kawng Double Lane laih mek pawh hun tiam chhunga hna zawh a nih theih nan Contractor te hnenah a hun dikah bill pek a tul thin thu MP leh MLA te hian Minister hnenah hian an thlen bawk a.Lawngtlai to Sittwa Sea Port road KMMTTP laih mek chu National interest a nih avangin a hmun ngeia enfiah tu tur Team of MP tirh rawtna an thlen nghal bawk a ni.

Union Minister hi MORTH officialte leh NHIDCL hotu ten an tawiawm a. Pu Vena leh Pu Zira te hi Pu Lalbiaknunga EE PWD in a tawiawm bawk a ni.

Attachment

  • Loading attachment...