1506/2022-2023
Dated Serchhip, the 8th August, 2022: Vawiin khan DC Meeting Hall ah Serchhip District Election Officer Pi Nazuk Kumar, IAS chuan Baktawng Village Council Reserved Seat Bye Election lo awm tur atana Final Electoral Roll tlangzarhna a nei.

Pi Nazuk Kumar chuan, Draft Electoral Roll tarchhuah tak atangin siam that ngaite siam thatna hun hawn anih chhungin paih ngai te paih an ni a, dah luh ngaite pawh dah luh belh an nih thu sawiin Final Electoral Roll a tlangzarh a, Political Party hrang hrang aiawh lokalte hnenah a hlan nghal a ni.

Pi Lalrinchhani Ralte, Election Officer chuan Roll tlangzarh tak chungchang sawifiahin, ni 26 July, 2022 ah Draft Roll tarchhuah niin siam that ngai a awm anih chuan siam thatna hun hi ni 31, July thleng hawn a nih thu a sawi a. Draft Roll atangin mipa 11 leh hmeichhia 3, an vaiin mi 14 paih an ni a. Mipa 1 leh hmeichhia 2, an vaiin mi 3 dah luh belh an nih thu a sawi a ni.

Baktawng Village Council huam chhungah hian vawiina Final Roll a a lan danin voters 1126 awmin an zinga 545 hi mipa niin a dang 581 hi hmeichhia an ni a, Draft Roll aiin voters 11 in an tlem ta a ni.

He hunah hian Pu Lalmuansanga Ralte, Addl. DC, Pi Lalzikpuii, SDO(S), Pi F. Lalnisai, SDC te bakah Political Party aiawhte an tel a ni.