Vawiin khan State Level Bankers’ Committee (SLBC) chu Secretariat Conference Hall, New Secretariat Complex-ah Chief Secretary Pu Van Hela Pachuau IAS hovin an thukhawm.

Vawiina meeting hi June 2012 Quarter tawp atan neih a ni. Vawiin thutkhawm ah hian bank leh a kaihhnawih in a zau thei ang bera mipui a huap theihna (Financial Inclusion) hnuaia Mizoram-a mi 1000 – 1999 inkar chenna khaw 79 ah te banking facilities pek dan ruahman; Sorkar Grant reng reng Electronic Mode (EBT) hmanga a dawngtu tur pek; C.D. Ratio; Development Banking ; Sorkar laipuiin Handloom Sector khaichhuah, her danglam, leh tihchangtlun zawk nana Scheme a duan Mizorama bawhzui dan tur leh Thlai (Crop) Insurance la kalpui zel chungchang te chu ngaihtuah tura an chawpchhuah pawimawh zual bikte a ni.

Meeting-ah hian March Quarter atan June ni 18, 2012 a SLBC thukhawm in thu a lo rel tawh te bawhzui dan an thlirho bawk a ni.

He Meeting-ah hian Bank hrang hrang aiawh te, Mizoram Sorkar hnuaia Department thenkhat aiawh te bakah Mizoram pawn lam atangin RBI leh SBI aiawh te an tel a ni. SLBC hi kum tin vawi li(Quarter pali atan) an thukhawm thin a ni.