Vawiin nileng khan Mizoram sawrkar hnuaia Finance Department leh Reserve Bank of India (Department of non-banking supervision) buatsaih Mizoram chhunga Bank nilo sum pukna chi hrang hrangte khuahkhirh dan tur "One Day Seminar of Government and police Officials in the Regulation of Unauthorised Elements of Non-Banking Financial Companies (NBFCs and Un-incorporated Bodies (UIBs) in Mizoram" chu I&PR Conference Hall-ah neih a ni a, Chief Secretary Pu Van Hela Pachuau, IAS chu khuallian a ni.
Pu Van Hela chuan Mizoram hi thil thalo chi hrang hrang tituten min paltlang reng bakah an zinga thahnem takin bu an khuar a ni a ti a, sumdawng lem leh dawta mipuite buma sum tam tak chhuhsak thin sum peipunna company suak tam tak pawh an awm thu sawiin heng ho hian mipuiten kan dilchhut lohna leh kan hriatlohna remchanga la in sum tam tak min chhuh sak a ni a ti a, Sawrkar pawhin hemi chungchangah hian harsatna tam tak a tawk a duh ang pawhin hma a la chak thei lo a ni a ti.
Pu Van Hela chuan Company suak 21 lai mai Mizoramah an la awm thu sawiin hmun ualau tak, abikin Zarkawt area ah an in bun deuh vek thu a sawi a, heng Company neitu tam zawkte hi Mizoram pawn atanga lo kal an niin Mizoram chhungah an hnathawhna tur hian Mizoten kan pui nasa hle a ni a ti a, kan fimkhurloh leh kan duham luat avang hian dawt hmangin awlsam takin min bum thin a ni a ti bawk.
Pu Van Hela chuan dan leh hrai chi hrang hrang kan neihte hi anih tur ang takin kan la hmang fuh chiah lo a ni a ti a, heng dan lova mipui min rawktute do let tur hian Police, Excise leh thuneitu dangte pawhin tan nasa lehzuala la a, insiam that a tul anih chuan insiam that mai tur a ni a ti bawk. Heng Company lemte avang hian Mizoram chhunga bank chi hrang hrangte pawhin harsatna an tawh phah avangin chak lehzuala hma lak a tul a, he Seminar hian Mizoram chhunga thil hnawk awmte thianfai tura rah tha a chhuah ngei a beisei thu a sawi bawk.
He Seminar hi Pu Lalmalsawma, IAS, Finance Secretary-in kaihhruaiin chawhma lamah Shri PN Murthi, AGM(DNBS) leh Pi Rama Narang, Asst. Manager (DNBS) ten RBI-in Non-Banking Financial Institutions leh Unincorporated Bodies chungchanga kaihhruaina dan a siamte an sawifiah a, Pu Joseph Lalchhuana, MPS, SP(CID Crime) in Mizoram chhunga Bank nilo sum pukna Company chi hrang hrangte dinhmun leh an chanchin zirchianna report a pe bawk. Chawhnu lamah Shri L.Sharma, Asst. Manager RBI (Issue Department) Pawisa lem chungchangah zirtirna pe in sawihona hun tangkai tak neih zui a ni bawk.
He Seminar-ah hian Mizoram DGP Pu Lalrokhuma Pachuau, Pu Lalthansanga, Secretary, Finance department bakah Mizoram chhunga Police hotu liante leh Department kaihhnawih aiawhte an tel tha hle a ni.
Pu Van Hela chuan Company suak 21 lai mai Mizoramah an la awm thu sawiin hmun ualau tak, abikin Zarkawt area ah an in bun deuh vek thu a sawi a, heng Company neitu tam zawkte hi Mizoram pawn atanga lo kal an niin Mizoram chhungah an hnathawhna tur hian Mizoten kan pui nasa hle a ni a ti a, kan fimkhurloh leh kan duham luat avang hian dawt hmangin awlsam takin min bum thin a ni a ti bawk.
Pu Van Hela chuan dan leh hrai chi hrang hrang kan neihte hi anih tur ang takin kan la hmang fuh chiah lo a ni a ti a, heng dan lova mipui min rawktute do let tur hian Police, Excise leh thuneitu dangte pawhin tan nasa lehzuala la a, insiam that a tul anih chuan insiam that mai tur a ni a ti bawk. Heng Company lemte avang hian Mizoram chhunga bank chi hrang hrangte pawhin harsatna an tawh phah avangin chak lehzuala hma lak a tul a, he Seminar hian Mizoram chhunga thil hnawk awmte thianfai tura rah tha a chhuah ngei a beisei thu a sawi bawk.
He Seminar hi Pu Lalmalsawma, IAS, Finance Secretary-in kaihhruaiin chawhma lamah Shri PN Murthi, AGM(DNBS) leh Pi Rama Narang, Asst. Manager (DNBS) ten RBI-in Non-Banking Financial Institutions leh Unincorporated Bodies chungchanga kaihhruaina dan a siamte an sawifiah a, Pu Joseph Lalchhuana, MPS, SP(CID Crime) in Mizoram chhunga Bank nilo sum pukna Company chi hrang hrangte dinhmun leh an chanchin zirchianna report a pe bawk. Chawhnu lamah Shri L.Sharma, Asst. Manager RBI (Issue Department) Pawisa lem chungchangah zirtirna pe in sawihona hun tangkai tak neih zui a ni bawk.
He Seminar-ah hian Mizoram DGP Pu Lalrokhuma Pachuau, Pu Lalthansanga, Secretary, Finance department bakah Mizoram chhunga Police hotu liante leh Department kaihhnawih aiawhte an tel tha hle a ni.
Attachment
- Loading attachment...
