3404/2022-2023

Kolasib dated 30th January 2023: Vawiin khan DC Conference Hall, Kolasibah bawlhhlawh sawngbawl leh a kaihhnawih a hma latu office țhenkhat leh Kolasib khawchhung tlawmngai pawl hrang hrang leh kohhran hruaituten Kolasib khaw chhung a bawlhhlawh thliar hranna chak zawk a kalpui leh vawikhawt hman plastic tihrem dan tur chungchanga hmalak dan tur relin țhutkhawmna an nei a. Pu John LT Sanga, Deputy Commissioner-in hun kaihruaiin Pi Rebecca Laldinmawii Hrahsel, DUDO chuan Kolasib khaw chhung a faina kawng a hmalakna hrang hrang a tarlang bawk a ni.

Țhutkhawmna ah hian khawtlang inkaihhruai dan ah naupangten faina an seilen pui theih nan uar zawk a bawlhhlawh thliar hran pawimawhna leh fai tur a inzirtirna kalpui a țul thu sawi a ni a. District Urban Development Office leh District Education Office țangkawpin Kolasib khaw chhung a zirtirtute leh zirlaite tan 'Workshop on Sewage & Solid Waste Management' buatsaih tur a rel a ni.

Rengtetlang a bawlhhlawh paihna hmun chu ram leilung tan a hrisel zawk nan thla 4 ral hmaa hmang chhunzawm tawh loh tur a thupek a awm angin Solid Waste Management Centre, Dihmuntlang ami chu sawt zawk leh awmze nei zawk a hman a nih theih nan in tin ah bawlhhlawh thliar ngai pawimawh tur a inhrilhhriat a țul thu tarlan a ni a. Bawlhhlawh a hun leh hmun a paih lo leh thliar țha lo an awm a nih chuan hremna kenkawh ngei ni se tih a rel a ni. Fai tur chuan Sawrkar hmalakna piah lam ah khawtlang leh kohhran hruaitute an pawimawh thu ngaihthlak a ni a, faina chu chhungkaw tin ațanga ințan tur a nih thu leh bawlhhlawh siam tlemna chu faina ințanna a nih thu tarlan a ni bawk. Bawlhhlawh țawih theite chu, hmunhma neite tan mahni in bul hnai a sawngbawl a nih theih nan District Rural Development Office, BDO Thingdawl leh Bilkhawthlir hmalakna hnuai ah Compost Pit siam dan ruahmanna ngaihtuah tur a rel a ni a, a awmsa te pawh țangkai tak a hmang tur a zirtirna pek a țul thu tarlan a ni.