Vawiin khan Higher & Technical Education Minister Pu R. Romawia chuan a bial fan chhunzawmin Bawngkawn a tlawh.

Pu R. Romawia chuan mipuite rawngbawl tlaka ngai a bial mipui te’n an thlan nawn leh avanga lawmthu sawiin, thawhhona tha tak an neih zel theih a beisei thu a sawi a. A Department chan hrang hrang chungchang bial mipuite chu hrilfiah a. Local Council-in vengchhung mamawh hrang hrang an lo thlen chu ngaihthlaksakin, a remchan dan a bawhzuipui a tum thu a sawi bawk.

Minister hi PWD, PHE leh P&E mi pawimawhten tawiawmin, vengchhunga department hnathawhte inhriattir leh inhrilhfiahna hun hman a ni. Bawngkawn Local Council Chairman Pu Lalduhkima kaihhruai inkawmhona programme-ah hian tlawmngai pawl hrang hrang aiawhte bakah Local Council leh political party aiawhte an tel a ni.