No.1360/2021-2022

Aizawl 12th July 2021: Aizawl DC chuan Bawngkawn Veng hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Section-34(b)(c) of the Disaster Management Act, 2005 behchhanin Bawngkawn hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Bawngkawn hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Bawngkawn hmun tarlante hi ni 12.07.2021 (Thawhtanni) Zan dar 7:00 atangin Containment Zone/ Area-ah puan a ni.

BAWNGKAWN (Chawngbawla Section) Containment Zone puan belhna :

Pu PC Lalmawia (L) In bul step atanga chhuk thla in Anganwadi bul kawrah chhuk thla zelin UPC (NEI) Biak In kawt phei kawngpuiah kalin Venglai lamah kawngpui zawh phei zelin Upa LP Lalkhuma (L) In bul step zawh chhovin NH-54 a pawh chho leh ang. Pu Kapthanga building atangin Thuampui lamah kal pheiin Pu PC Lalmawia (L) In bul step a pawh leh ang a, kawngpui an a building awm te huam lovin.

(Containment area hian Pu PC Lalmawia (L) in bul step leh Pu Kapthanga in bul (Pastor quarter hlui) step inkar, kawngpui an building te a huam tel lo ang.)

(Total Number of Household contained – 156)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.