No.1339/2021-2022

Aizawl 11th July 2021: Aizawl DC chuan Bawngkawn Veng hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Bawngkawn  Veng  hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Bawngkawn Veng a hmun tarlan te hi ni 11.07.2021 (Pathianni) Zing dar 4:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area  vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi  tumah an lutin an chhuak  tur a ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

BAWNGKAWN Containment Zone/Area:

Khuangchera Section:

1) Pu Tlangthanga in atanga Hannah Courier building thleng.

2) Safe Express building atanga Pu Zothanmawia (L) in (building hring) inkar leh Pu Darkhuma huan panna step dinglam leh a mualthla Pu C Lalrosanga in thleng.

3) Pu C Lalrimawia in atanga Pi Thangliani building inkar kawngpui dung a in zawng.

4 Pu F Dosanga in atanga Pu Lalnunnema in thleng, kawr leh kawr inkar (Thlanmual sir).

(Total Number of Household contained – 173)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.