2940/2022-2023
Aizawl the 5th December, 2022 : Vawiin khan Dr Lalhriatzuali Ralte (I.A.S) Deputy Commissioner, Aizawl District chuan Khua leh tui te tan a sawrkar laipuiin scheme tha tak tak leh service hrang hrang Common Service Center atanga pekchhuah theihte mipuiin nasa zawka an hriat a, an hman tangkai nghal theihna atana hmalakna runpui ‘Bawrhsap Click’ programme chu Aadhaar Seva Kendra, Bethlehem Vengthlangah a hawng.

Bawrhsap click hi Common Service Center atanga service hrang hrangte mipuiten nasa zawka an hman tangkai theihna tura beihpui thlakna programme hming niin Veng/Khua leh institution hrang hrangah te hmalakna neih chhoh tur a ni dawn a, First phase hi Aizawl veng thlan bikah leh institution thlan bikah te neih phawt tura ruahman a ni.