1265/2022-2023
Aizawl, the15th July 2022: Aizawl District Bawrhsap Dr Lalhriatzuali Ralte, Chairman, District Disaster Management Authority, Aizawl District ni bawk chuan a hnuaia tarlan ang hian Aizawl District huamchhung luiah leh kawngpui sirah leivung/bawlhhlawh paih khapna thupek a chhuah.

Aizawl District huam chhunga lui kam leh kawngpui sirah leivung leh bawlhhlawh paih thin hian lui tui a ti bawlhhlawh in kawngpui hmangtu mihring leh lirthei te tan harsatna a thlen nasa hie tin hriat a ni a. Leivung paih duhdah avangin lui a cheng nungcha, kan chhehvela ram ngaw kan tih chereu bakah kan nitin mamawh tui in tur thlit fim na kawngah a buaipuitu Department te'n harsatna nasa tak an tawk tih hriat a ni a. Hei hian kan leilung leh nungcha te hriselna leh nunna nasa takin a nghawng bakah, khuarel chhiatna nasa zawk a thlen thei tih hriat a ni.

Aizawl Municipal Corporation lehkha No.D.24015/199/2022-AMC(SD&SM) dt. 19.5.2022 in a tarlan angin AMC huam chhunga July atanga October 2022 chhungin lei laih leh leivung hmanga ruam/kawr chhun khah khapna thupek alo chhuah tawh angin, Aizawl District huam chhung lui leh kawng sirah leivung leh bawlhhlawh paih thin thu hriat anih avangin leh mipui, nungcha leh kan chhevel a ram ngaw te kan humhalh that theih nan Aizawl District huamchhung lui ah leh kawngpui sirah leivung emaw bawlhhlawh emaw paih khapna thupek chu Section 30(iii, v & xvi) & Section 34 (h & m) of the Disaster Management Act 2005 tlawhchhanin chhuah a ni.

Dan bawhchhia an awm a nih chuan a hnuai a Phone Number tarlan ah hian dan bawhchhetu motor number, bawlhhlawh paih lai thlalak telin report tur a ni e. (Whatsapp No:8787451776)

He dan bawhchhia te chu Disaster Management Act, 2005 Section 51(b) emaw AMC (Site Development & Slope Modification) Regulations, 2017 hmangin hrem an ni ang.

Report thawn natur Phone number - 8787451776