Ni 3 chhung awh tur Block Development Officers/Programme Officers, MGNREGS te tana “Training on Mahatma Gandhi NREGS for Programme Officers” training chu DRDA, Aizawl Conference Hall, Aizawl ah nimin (3.12.2014) atang khan neih a ni.
He training hawngtu Pu Lalrinliana Fanai, Commissioner & Secretary, Rural Development Department chuan BDO te chu fuihna neiin, Field Officer te performance chu Department pumpui performance a ni a; chuvangin, hnathawh uluk tur leh nasa taka tan la turin a ti a. MGNREGS hnathawhnaah Register maintain tur an neih te tha tak leh uluk tak maintain a, check thut pawh dawl turin a hrilh a. An hnathawhna hmunah chuan permanent Sign board siam turin theuh turin a ti a. Management Information System lam pawh en fo tur leh tan la turin a hrilh bawk.
He training hawnna inkhawm hi Pi Maria C.T Zuali, Director, SIRD chuan a kaihhruai a ni.
He training ah hian Mizoram hmun hrang hrang atangin Programme Officer mi 24 an tel thei a. SIRD lam atangin Pu Khawlsiamthanga Khawlhring, Dy. Director/Sr. Faculty, Pu Khuangthansanga Pakhuangte, Principal/Sr. Faculty, Pu Lalthanmawia Ralte, Faculty, Er. C. Laltlansanga, A.E leh Pu Michael Lalmalsawmsanga, DMISO, DRDA, Aizawl ten zirtirna hi an pe a ni.
