No.1196/2021-2022
Aizawl 30th June 2021: Aizawl DC chuan Bethlehem Vengthlang hmun thenkhat Containment Zone/Area-a puan chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC Office lehkha No.C.16011/298/2020-DC(A)/Lockdown Dt.17/06/2021 hmangin Bethlehem Vengthlang hmun thenkhat chu Containment Zone/Area-ah puan a lo ni tawh a.
Chief Medical Officer, Aizawl East in a zirchianna leh a tul anga hma a lak hnuin, Bethlehem Vengthlang Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Bethlehem Vengthlang hmun thenkhat Containment Zone/Area-a lo puan tawh chu 30.06.2021 (Nilaini) Zan dar 10:00 atangin hlih a ni.
Containment Area hlih tur huamchhung :-
Khuangchera Section Area
a) Pu Pu Lalthanzuala Colony huamchhung zawng zawng.
b) FRCBR, Bethlehem Vengthlang atanga Armed Veng Road kawngpui an dinglam Pu MC Lalzirliana In atanga Pi C.Liannguri In thleng.
Heng area bak, Bethlehem Vengthlang hmun thenkhat a Containment Zone/Area-a lo puan tawhte chu Containment Zone/Area-a la puan chhunzawm a ni ang.
Covid-19 laka kan himna tura sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
