Sawrkar laipuiin hmasawnna tura a ruahman scheme hrang hrang inhrilhhriatna hun Bharat Nirman Flagship Programme Public Information Campaign (PIC) New Saiha "East" Community Hall-a neih mek chu vawiin khan Saiha District Joint VC President Pu VB Sachai hova hman a ni.

Public Information Campaign hi Pu Lalneihkunga Khawbung, AIR Programme Executive in a kaihruaia, kalkhawm mipuite chu PIC Core Committee Chairman Pu Mangjangam Touthang chuan lo lawmin kalkhawm te hnenah chuan sawrkar laipui hmalakna hrang hrang te chu an kawtkaia chhawpchhuahsak an nih thu a sawi.

Bharat Nirman Flagship Programme Public Information Campaign pual hian mipuite hnena inhriahhriatna hun neih 'technical session' neih leh  a ni a, vawiin hian ICDS, MSACS, MGNREGS, PMGSY, MTCS leh rural telephony lam te zirho a ni a; sawrkar laipui hmalakna hrang hrang tarlanna  "photo exhibition" DAVP in a buatsaih bakah state sawrkar hnuaia department hrang hrangten exhibition an siam bawk a. Sawrkar laipuiin mirethei chawikanna tura a ruahman leh a hmalakna tarlanna lehkhabu 13 chu Press Information Bureau buatsaihin a thlawna sem a ni bawk a ni.

He ni pual hian hian Meisatla veng ah Sattelite Venue hman a ni a,  Bharat Nirman  Rally neih niin kawngzawh mipuite hnenah a thlawnin t.shirt sem a ni. Bharat Nirman Flagship programme puala field publicity department ten Quiz competition Govt Middle School, Meisatla  an buatsaih chu lawmman sem nghal niin  NRHM pawhin Mobile Medical Unit leh a thlawnna entirna  Free Health Camp an buatsaih a, Doctor 4 leh Nurse ten Damlo thahnem tak enin damdawi pawh a thlawna sem nghal a, mi 190 an in entir a ni. Health Camp hi nimin New Saiha East ah neih a ni a, mi 90 chuang an inentir a ni.