1002/2022-2023
Kolasib: Dated the 22nd June, 2022: Superintendent of Police Kolasib chuan Bilkhawthlir – Saiphai kawng siam chungchangah a hnuaia mi ang hian thuchhuah a siam.

Date 22nd June, 2022 atanga date 2nd July, 2022 chhung hian Bilkhawthlir atanga Saiphai kawng chu Concrete Pavement a siamthat hnathawh a ni dawn a, chak tak leh tha zawk a hnathawh a nih theih nan date 22nd June, 2022 (Nilaini) atanga date 2nd July, 2022 (Zirtawpni) thleng kawngkhar a ni dawn a. Kawngkhar chhung hian lirthei eng chi mah kal phal a ni lo ang. Kawng khar a nih chhung hian N. Chawnpui leh Saiphai atangin nitin mamawh thil phur lirthei te chu Bhaga leh NH-306A (Phainuam) lamah tlan tur a ni ang.

He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept., Ambulance, Magistrate-te chet velna leh SP, Kolasib in phalna a pekte a huam lovang.

He thuchhuah chungchanga harsatna tawk emaw report neite chuan OC Vairengte Police Station (Ph. No. 9436146938 / 7005541903) ah te biak theih reng a ni.