India sorkar Department of Biotechnology leh Biotech Consortium India Limited (BICL) New Delhi bul tumin vawiin khan ni 4 awh tur, Entrepreneurship Development Programme in Biotechnology chu Tourist Lodge-ah neih tan a ni.
He Programme hi Mizoram Council of Science, Technology & Environment chuan lo buaipuiin a hawnna hi Pu C.Lalsawta IAS, Principal Secretary, Planning & Programme Implementation chuan a hmanpui a. Mizoram-in bio-resource a ngah thu sawiin Pu Lalsawta chuan biotechnology lama eizawnna kawng inkawh hmuh chu Mizoram mamawh a ni, a ti a. Thalaite tan hnathawh tur a tihpun mai bakah ram leilung chhe tur venna atan pawh a pawimawh tak meuh va ni, a ti bawk.
Dr.Vibha Ahuja, General Manager BCIL chuan biotechnology lama hmasawnna chu India sorkar-in a ngaih pawimawh thu sawiin hemi atan hian sum tam tak a sen thu leh BCIL chu biotechnology hmasawnna tur buaipui kawnga bul tum tura din a nih dan a sawi a. Thalai te hnena biotechnology hmanga eizawnna bul tan dan inzirtir turin India ram hmun hrang hrangah hetiang programme hi BCIL chuan a buatsaih tawhin hmarchhak bial chu hmalakna tura ngaih pawimawh a nih thu a tarlang.
He Programme ah hian Biotechnology zirlai leh research bei mek te, biotechnology hmanga sumdawnna bul tan mek thalai engemaw zat te chu ni 4 chhung zirtirna pek an ni dawn a. Biotechnology topic zir zauna bakah sumdawnna enkawl (management) dan zirtirna rawn neihpui tur hian Research centre leh company hrang hranga thawkte bakah IIM Shillong atangin mithiam rualte an lo kal a ni.
Dr.Vibha Ahuja, General Manager BCIL chuan biotechnology lama hmasawnna chu India sorkar-in a ngaih pawimawh thu sawiin hemi atan hian sum tam tak a sen thu leh BCIL chu biotechnology hmasawnna tur buaipui kawnga bul tum tura din a nih dan a sawi a. Thalai te hnena biotechnology hmanga eizawnna bul tan dan inzirtir turin India ram hmun hrang hrangah hetiang programme hi BCIL chuan a buatsaih tawhin hmarchhak bial chu hmalakna tura ngaih pawimawh a nih thu a tarlang.
He Programme ah hian Biotechnology zirlai leh research bei mek te, biotechnology hmanga sumdawnna bul tan mek thalai engemaw zat te chu ni 4 chhung zirtirna pek an ni dawn a. Biotechnology topic zir zauna bakah sumdawnna enkawl (management) dan zirtirna rawn neihpui tur hian Research centre leh company hrang hranga thawkte bakah IIM Shillong atangin mithiam rualte an lo kal a ni.
