557/2025-2026
Kolasib the 10th May, 2025: Kolasib District Deputy Commissioner, Robert C Lalhmangaiha, District Disaster Management Authority Chairman nibawk chuan Kolasib leh Vairengte khawchhunga black-out neih tur chungchangah a hnuaia tarlan ang hian thuchhuah a siam.
Ni 10.05.2025 a Civil Defence chungchanga DC Conference hall a meeting chuan Civil Defence chungchanga kan lo inbuatsaih lawkna atan ni 12.05.2025 dar 9:00 PM - 9:04PM chhungin Kolasib leh Vairengte-ah "BLACK OUT" (Mock Drill/Exercise) neih a rel a. Hemi hun chhung hian Kolasib leh Vairengte khaw huam chhungah eng(power) tih thim vek tur a ni. Hei hi mipuiten lo zawm turin kan in ngen in kan inhriattir a ni.
Inkaihhruaina a hnuai ami ang hian siam a ni.
1. Ni. 12.05.2025 dar 8:59PM atangin minute 1 chhung siren tih rik a ni ang. Siren hi DC Office, Kolasib leh CIJWS Vairengte atangin tih rik a ni ang a. YMA information PA system/FLS hmangin tihrik a ni bawk ang.
2. Dar 9:00PM-9:04PM chhung P&E Dept. ten a chunga khua tarlan huam chhungah eng(power) an ti thim ang.
3. Village Council-te hmalakna in an huam chhunga solar street light eng hliah turin an lo khuh lawk vek ang.
4. Mimal leh pawl ho In-ah electric inverter hmang kan awm chuan lo off tur a ni.
5. Eng pe chhuak thei thil dang hemi hun chhung hian engmah hman/chhit phal a ni lo.
6. Hemi hun chhung hian lirthei eng chhit phal a ni lo. Lirthei tlan laite pawh an ding tur a ni.
Police lam ten a tul angin lirthei tlan dan an vil ang.
