1363/2026-2027

Aizawl; 10^th July, 2026: Vawiin khan Aizawl DC Pisapui Hall-ah Aizawl District chhunga Assembly Constituency 12-a Booth Level Officers(BLOs) ruat thar mi 37 te tan Special Intensive Revision (SIR),2026 kalpui dan tur chungchangah DEO Office chuan training a buatsaih a. Training hawnna inkhawm tawi hi Election Officer Pu Samuel Zodinsanga’n kaihhruaiin, Training an koh chhan te sawiin, BLO atan ruat thar te chu an training-a an thil zirte chu thiam bel viau tura chahin, Electoral Roll felfai leh thianghlim hi Democracy ram innghahna lungphum pawimawh berte zinga mi a nih thu leh,an mawhphurhna san zia te hriaa, thahnem ngai tak leh ngunthluk taka training turin trainee te a chah.

Vawiin Training hi Pi F.Lalnisai, Asst.Commissioner leh State level Master Trainer (SLMT) ni bawk leh Pu Lalfakzuala, DeO, DC office ten resource person niin an pe a ni.

SIR, 2026 hnuaiah Enumeration phase zawh tawh niin, Draft Electoral Rolls pawh ni 04/07/2026 khan lo tlangzarh tawh a ni a. Tunah hian thunlut ngai,paih ngai leh siamthat ngai te tan dilna hun (claims & objections period) hawn a ni mek a, heng dilna lutte hi EROs/AEROs ten ni 04/07/2026 atanga  ni 02/09/2026 inkarah an enfiah ang a, ni 02/09/2026 ral hmain Form lut te hi chinfel hman (disposed off) tur a ni. Final Electoral Rolls for SIR 2026- chu September 6, 2026 (Sunday) ah tlangzarh (publish) tura ruahmanna siam a ni.