Lunglei DC Pu V. Sapchhunga chuan ni thum chhung 15 - 17 Novermber, 2012 khan Indo-Bangla ramri hrûla Border Out Post sakna hmun tur enfiahin a hmunah ramrî a tlawh a, hei bakah hian ramri hung hnathawh mêk a enfiah nghal a ni.
Pu V. Sapchhunga chuan Border Out Post sakna tur hmun lâk dan tur chungchang chu ngun taka enfiah zel an tum tih a sawi a; BOP sakna tura ruahman hmun thenkhat, a neituten a hlutzâwng an sawi leh a hmuna an enfiah hnu-a inmil lo sawi tur a awm nual tih a sawi bawk.
Ni thum chhunga Indo-Bangla ramri hung hnathawh an endikna-ah hian, BOP sakna hmun atana ruahman te chu Lunglei DC hova endiktute hian an tlawhchhuak vek a ni. DC hi Revenue official-ten an tawiawm a ni.
