655/2024-2025
Aizawl, the 4th June, 2024: 1- Mizoram (ST) Parliamentary Constituency hnawhkhahna tura General Election to the Lok Sabha, 2024 neih taka vote tla te chu tukin dar 8:00 atang khan chhiar tan a ni a. Mizoram chhunga District 11 huamchhunga Assembly Segment 40 a vote tlate chu boruak muanawm tak hnuaiah chhiar tan a ni.
Vote chhiar tan hma hian vote chhiar tur Counting Official-te chu an chanpual tur hrilh lawk an ni lova, zing dar 5:00 khan 3rd Randomisation hmangin siam a ni. Venhimna khauh tak hnuaiah Counting Observer-te hmuh laiin EVM/Postal Ballot dah thatna Strong Room-te hawn a ni a, EVM te Counting Hall-ah lakluh a ni. Postal ballot luhkhawmna Aizawl District-ah chuan hi zing dar 8:00 atangin Postal Ballot chhiara bultan a ni a, District dang zawngah chuan EVM a vote tlate zing dar 8:00 atangin chhiar tan a ni.
Mizoram pumah vote chhiar buaipui tur hian Returning Officer, Assistant Returning Officer, Counting Supervisor, Counting Assistant, Micro-Observer leh hna pawimawh dang hrang hrang thawktu mi 2,000 chuang an awm a. Polling Station tina Presiding Officer 1,276 te chu vote chhiarna Counting Centre-ah hian awm bawkin Security mi leh sa ten Counting Centre tinah thuah thumin venhim hna an thawk bawk.
Mizoram pumah Counting Centre 13 ruahman a ni a. Aizawl District-ah Counting Centre 3 a awm a, District dang zawngah Counting Centre 1 theuh a awm ang. Counting Hall 40 a awm a ni. Heng Counting Hall-ah hian Counting Table 379 awmin vote chhiarna dawhkan tinah hian Counting Supervisor pakhat, Counting Assistant pakhatleh Micro-Observer pakhat zel an awm a, vote chhiarna hmun hi ECI ruat Counting Observer ten an vil a ni.
Counting Table awm zat leh vote chhiar tur Polling Station awm zat hian chhiar hun (round) pawh hi a hril dawn a. Round 5 a chhiar zawh tur Assembly Segment 5 a awm a, Round 4 a chhiar zawh tur awmna Assembly Segment 15 a awm a, Round 3 awmna Assembly Segment 18 awmin Round 2 a chhiar zawh tur Assembly Segment 2 a awm a ni. Assembly Segment tina Polling Station 5 a VVPAT a vote tla (paper slip) te chu EVM (Control Unit) a vote tla nen a inmil em tih finfiah turin chhiar zel a ni ang.
General Election to the Lok Sabha, 2024 vote chhiar trends/result-te hi www.results.eci.gov.in leh Voter Helpline App (Android/IOS) atangtein a en theih reng a ni.
