2751/2023-2024

LUNGLEI; the 8th November,2023: Nimin chawhma dar 7:00Am atang khan Lunglei District hnuaia MLA constituency paruk(6) hnuaia voter te chuan vote thlak tan in,  Zanlai dar 11:50P PM ah, a polling Station vote thlak zawh harna ber Marpara ‘S’-I Polling Station a vote thlak hnunghnung ber chuan vote a thlak ta a ni. Tichuan  Lunglei district chhunga Polling Station 176-ah tha taka vote thlak  zawh vek a lo ni ta a ni.   Kumin MLA inthlanpuiah hian boruak duhawmlo  engmah thleng report a awm lova, Model Code of Conduct bawhchhiatna lian tham engmah a awm lo bawk. Boruak muanawm tak leh khaw nuam tak hnuaiah inthlanna hi neih a ni a, A tir lamah EVM leh VVPAT-ah Polling Party thenkhat ten harsatna neuh neuh tawk mahse, Sector Magistrate leh District Level Master ten buaipui vat zelin, tha taka Inthanna felfai leh thianghlim tak chu neih thei a lo ni ta a ni. Kum 2023 MLA inthlanpuia Lunglei District chhunga vote tlak tamna ber Polling Station  chu 34-Thorang AC hnuaia Sachan PS niin, 98.40% a tla  ani. Vote  tlak tlemna ber chu  35-West Tuipui AC hnuaia awm  Tlabung dinthar PS niin, 40.49% vote  a tla thung a ni. Nimin MLA inthlanpuia Constituency Wise a vote tlak dan chu a hnuaia Table-ah hian tarlan a ni. Tukin dar 10:00Am thleng khan Polling party 173 ten receiving counter thleng tawhin,Polling party 3: Bandiasora, Marpara-I&II  te kawngah an thang mek a,  chawhnu dar 1-2 inkar velah receiving counter an lo thlen thei beisei a ni.Kumin MLA inthlanpuia Lunglei District atanga  vote thlak upa ber chu 33-Lunglei South AC hnuaia Thingfal khua a mi Pi Nudari  kum 104 a upa a ni.