Ni 24.5.2011 khan Brig.S.K Verma, DIG, Hqrs.23 .Sector Assam Rifle chu Aizawl atangin Lunglei ah lokal in 40th Assam Rifle tlawhin a hmun ah hian Lunglei Dist. chhunga khaw 4 leh YMA Sub. Hqrs. Youth Hostel te tan thosilen a sem.
Brig.S.K Verma chuan military civic action project hnuaiah khaw pali- Bualte , Hauruang, Vanhne leh Mausen khawtlang hruaitu te hnen ah thosilen 30 theuh a sem a YMA Sub. Hqrs. Youth Hostel Lunglei a hman turin 12 a pe bawk. YMA Sub.Hqrs hruaitu te leh heng khaw 4 a vantlang hruaituten Assam Rifle te hmalak thinna ah hian an lawmthu an sawi bawk.
Hemi ni vek hian 40 AR damdawiin sak thar hawng nghlain a hmuna Blood donation camp neih tlawh nghal bawkin Pu.S.K Verma chuan a thisen petute a fak thu sawiin a dawngtu aiin pe theitu nih a ropui zawk ani ati. Civil Hospital Blood Bank ten a hmunah kal chilhin thisen hi an la ani. Sethlun thalai mi 7 leh A.R mi 13 ten thisen hi an pe a ni.
