Thawhtanni kalta May 20 zana Tuipuibari bula BSF sipai 7 lai motor chetsual avanga thi te sunna hun hmang tur leh he chetsualna a hliam tuar te kan turin BSF hotulu engemaw zat Aizawl ah an lo kal a. R.K. Panoth, Addl. Director, General, HQ Spl. DG, BSF, Kolkata; AC Thapliyal, Inspector General, HQ BSF Mizoram & Cachar te chu Aizawla DIG UM Subramani tawiawmin he chetsualna a hliam tuar pakhat Aizawl Civil Hospital a dah M Kalita, ASI/GD chu an tlawh a. Hliam tuar dang 3 te chu Guwahati Medical College ah enkawl tura phurh thlak an ni.

Tukin zing khan heng BSF sipai hotu lute hi boralte sunna hun urhsun takin Sakawrtuichhuna BSF training area ah an hmang a. Thlahna pangpar engemaw zat hlan niin boralta te hi anmahni awmna hmun pan pui turin Lengpui Airport atanga thawnchhuah an ni.