Border Security Force Sector Aizawl chuan tun hnai khan mipui rawngbawlna hna engemawzat an buatsaih a. BSF hotupa DIG Pu M.L.Batham chuan Mizote hnamze mawi tak ‘tlawmngaihna’ chu BSF pawhin tawmpuiin chhawm nun zel kan tum a ni, a ti.
 
 

BSF Sector Aizawl chuan thla hmasa khan YMA Library hrang hrangah cheng nuai 1 man hu vel lehkhabu an pe tawh a. Mizo zirlai engemawzat tan Bharat Darshan Tour te, MHIP nena tangkawpa Mizo hmeichhiate tan training hrang hrang buatsaih te, Sports thawmhnaw leh hmanrua chi hrang hrang te leh school engemawzatah Computer te a thlawn vekin BSF hian an pe tawh a ni.

Tun hnai December ni 9, 2009 khan Thuampui YMA Hall leh Falkland-ah Free Medical Camp an buatsaih ah damlo mi 500-600 vek a thlawna inentir leh damdawite pek an ni a. December ni 10, 2009 khan BSF Camp, Durtlang-ah Blood Donation Camp an huaihawt leh a, hetah hian BSF te bakah vengchhung mipui leh mitlawmngai thahnem takin a thlawnin thisen an pe a ni.
 
 

Attachment

  • Loading attachment...