Tarlan tawh angin Staff Selection Commission (SSC) katlangin Central Police Force hrang hranga (BSF pawh tiamin) Constable (General Duty) leh Assam Rifles a Rifleman (General Duty) lak a ni dawn a. He hna diltute chuan Physical Standard Test, Physical Efficiency Test, Written Examination leh Medical Examination te an paltlang a ngai ang a.

DIG BSF Sector HQ Durtlang Pu A. Srinivas chuan dilna form hi Durtlanga an office ah leh Ramri a BSF Border Outpost ah te lak anih theih thu leh hna dilna form fill-up an pui theih thu a sawi a. Border Security Force (BSF) chuan Lunglei leh Tuirial-a an Batallion leh Tuipuibari, South Phuldungei, Marpara, Malsuri, Tlabung, Borpansuri leh Vaseitlang a an Border Outpost (BOP) ah te heng hna diltute tan exam leh physical test an paltlang theih nan coaching buatsaih an tum thu DIG chuan a sawi bawk a. Mizoram tan BSF hnuaia Constable post ruak hnawhkhah anih theih nan Councillor te leh VCP te chu he hna ruak hi Mizo thalaiten dil ngei turin theihtawp chhuaha fuih turin a ngen nghal bawk a ni.

Hna dilna form hi closing date – January ni 4 2012 hma a BSF HQ a hna diltu ten an thehluh chuan anni in SSC a an thehluh sak thei ang.