1844/2022-2023
Aizawl the 7th September 2022: FCS&CA chuan a hnuaia mi ang hian Buhfai hrisel zawk(Fortified Rice) sem chhuah chhunzawm a nih tur thu leh a dawng thei tur te a tarlang.

Central Sawrkar duh danin Aspiration District hnuaia Mid-Day-Meal leh ICDS programme hnuaia zirlai naupangte hnenah fortified rice hi nikum lam atang tawh khan Mamit district ah sem chhuah tawh a ni a, Mid-Day-Meal (PM Poshan) leh WBNP programme hnuaiah phei chuan rampum huapa fortified rice hi pek an ni tawh. Central Sawrkar duh angin FCS&CA Department pawhin July, 2022 atang hian NFSA,2013 hnuaia AAY leh PHH beneficiary te hnenah fortified rice hi thlatin ration atan aspirational district (Mamit District) hnuaiah pek ve tawh a ni. Central Sawrkar ruahmanna angin 1st April, 2023 atang hian ram pumah fortified rice hi AAY leh PHH beneficiary te hnenah thlatin ration-ah pek a ni tawh ang.

Fortified rice hi buhfai hersawmah chakna (nutrients) leh vitamin te telh a buhfai ang taka a bik a siam a ni a, buhfai pangngai zingah hian 1% zel telh’pawlh a ni a (buhfai 50kgs bagah 0.5kg pawlh a ni), hei vang hian mipui ten an chian loh avangin plastic rice etc. emaw ni a ngaihna te pawh awm thei a ni. Chuvangin fortified rice nihna a hnuaia tarlante hi hriatchian a ngai a.

ENGE FORTIFIED RICE CHU?
Fortified Rice kan tih hian chaw (buh) hrisel zawk, micronutrients (Iron, Folic acid leh Vitamin B12) a tarn zawk tihna a ni a. Naupang leh Nu naupai ten an taksa mamawh ang chakna an hmuh theihna atana siam a ni. Chu mai bakah thisen tlakchhamna (anemia) laka min vengte pawimawh tak a ni bawk.

FORTIFIED RICE DANGLAMNA: (NUTRITIONAL CONTENT)

Thatna:

Iron: Iron hi kan taksa peng hrang hranga boruak tha pe tu thisen (hemoglobin) siamtu pawimawh ber a ni a. Kan taksa ti lumtu leh than nana pawimawh tak a ni bawk.

Folic Acid: Folic acid hi nu naupai tan a pawimawh em em a, naute hrisel taka alo pian theihnan leh thluak than nan a tangkai hie. Chu mai bakah lung tan chaw tha tak a ni bawk.

Shelf life: Fortified rice hi thla 12 chhung a dah that theih a ni.

Buh sil dan: Buh reng reng sil laiin nuai nawk nawk tur anilo. Buh kan sil tur chimin tui kan leih anga, kan kut chu tuiah chiahin kan ti vir ang. Hei hian buh a chakna tarn tak tuia luang chhuak tur a veng thei a ni.