Mizoram sawrkarin Serlui ‘B’ Mini Hydel Project tui khuah hna a thawh avangin a chim tur khua Builum-a Govt. Primary School leh Middle School te chu Bawktlangah sawn an ni a. Amaherawhchu tui in sang tak a chim thleng pawha la insuan chhuak lo, Builum khua-a la awm chhungkaw 24 ami naupang 18 lai, kum 6 atanga kum 14 inkar te chuan zirna ah harsatna an tawk ta a. Hei hi hria in Kolasib-a SSA hotu, Pu Laldingliana, DPC chuan July 15 khan Builum hi a tlawh a. Heng naupang zirna kawnga chavai mekte tan hian lehkha an zir theihna turin Non-Residential Bridge Course DPC hian a zuk hawng a ni.
Builum khaw naupangte hian NBCC atana an hman turin D.C. Pu Dawngliana chuan silpouline a pe bawk a. He Non-Residential Bridge Course (NRBC) hi ni 60 chhung atana ruahman phawt a ni a. Nakina sikul pangngai regular school an la zawm theihna tura zirtir an ni dawn a. Tunah hian SSA Kolasib chuan Education Volunteer pakhat ruaiin zirlai bu, lehkhapuan, pen, pencil, instrument box leh jersey te a pe vek a ni.
NRBC, Builuma hawnna hi Builum VCP Pu Vanlalenga chuan a hmanpui a. VCP in hi centre atan an hmang nghal nghe nghe a ni.
NRBC, Builuma hawnna hi Builum VCP Pu Vanlalenga chuan a hmanpui a. VCP in hi centre atan an hmang nghal nghe nghe a ni.
