No.956/2021-2022
Aizawl 13th June: Vawiin khan Aizawl DC chuan Bungkawn Veng hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh he office lehkha No. C.16011/298/2020-DC(A)/Lockdown Dt.17/05/2021 hmangin Bungkawn Veng hmun thenkhat chu Containment Zone/Area- ah puan a lo ni tawh a.Tin, he Office lehkha No. C.16011/298/2020-DC(A)/Lockdown Dt. 08/06/2021 hmangin Bungkawn Veng Containment Zone/Area-a lo puan tawh hmun thenkhat chu sawrzim Order chhuah a lo ni tawh bawk.
Chief Medical Officer, Aizawl West in a hnuaia hmun tarlan huamchhunga mite hi tun dinhmunah mi tumah COVID-19 avanga dinhmun hlauhthawnawmah an awm tawh loh avangin Containment Zone/Area hi hlih rawtna a rawn thlen a. He rawtna ang hian Bungkawn Veng Containment Zone/Area-a lo puan tawhna chu 14.06.2021 (Thawhtanni) Zing dar 4:00 AM atangin hlih a ni.
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tura hriattir an ni e.
