No.1589/2021-2022 
Khawzawl 28th July 2021: COVID-19 hripui hluar chho mek leh Mizoram sawrkarin mipuite him nana inkhuahkhirhna hrang hrang a siamin tun dinhmunah pawh ‘Total Lockdown’ hman mek a ni a. Mipuite mamawh zualpui leh eikhawp lei theih nana sawrkarin ruahmanna a siam bawhzuiin vawiin khan Khawzawl District Bawrhsap Pu Zothanmawia chuan mipuite veivah zau theih loh leh bazar-te hawn loh denchhenin bungruate to uchuak tak leh a man bithliah aia tovin hralh lo turin sumdawngte tan Hriattirna a hnuaia mi ang hian a ti chhuak :-

Khawzawl District chhunga sumdawng zawng zawngte’n bungraw zawrhte danin a bithliah MRP (Maximum Retail Price) aia sanga zuar leh hralh lo tura hriattir an ni a, MRP inziak hi thai chhiat emaw tihdanglam pjhal a ni lo bawk. MRP aia sanga bungraw zawrh leh hralh hi Legal Metrology Act, 2009 leh Legal Metrology (Packaged Commodities) Rules, 2011 hnuaia Rule 18(2) in a khap angin he dan bawhchhiate chu dan anga hrem an ni ang.
 
Harsatna neite chuan Pu V. Lalfakzuala, Assistant Controller of Legal Metrology (Champhai & Khawzawl District), Ph. No. 7005670443 ah report theih a ni e.