Vawiin khan Lawngtlai District a Bungtlang ‘S’ Community Hall ah Public Information Campaign nithum awh tur chu Pu V. Zirsanga Chief Executive Member LADC chuan a hawng.

Khuallian Pu V. Zirsanga chuan sawrkar hmalakna hrang hrang te mipui ten kan hriat tlan hi a pawimawh a, hmasawnna ke pen a chak theih nan hian mipuite hi kan pawimawh em em thin a ni. Mahni chanvo hriat ringawt hi hmasawn nan a famkim lova kan tih tur (Duty) kan hriatchian tel a ngai bawk. Vawiin ah hian mipui ten kan chanvo leh kan tihturte hriat tharna hun atan hamgn theuh ang u tiin kalkhawmte a ngen a ni.

A hawnna inkhawm ah hian Pu Mangjangam Tothang IIS, Chairman Core Committee PIC chuan Public Information Campaign neih chhan leh thil tumte a tarlang a, Pu C. Lalsawmliana Nodal Officer in kalkhawm te chungah lawmthu sawina a nei bawk.

Chawhnu lamah Sawrkar hmalakna thenkhat zirna lam te, hriselna lam te leh Central Programme Thar Pradhan Mantri Jan-Dhan Yojana (PMJDY) zir hona neih a ni a, he hun hi Pu Elvis Lalthanzuala Editor Rauthla Express in a kaihruai a ni.