Mipui ke a kalte him zawk nan Traffic Jam tih ziaawm nan New Market area a Line Bus Stand, Dropping Zone, Two Wheeler Parking leh Taxi Stand thar enchhinna tur ruahmanna thar a hnuaia tarlan ang hian SP Traffic chuan a siam a, he ruahmanna thar hi 5th December, 2011 (Thawhtanni)atanga enchhin tan tur a ni ang.

1) Pu Buangthanga In chhimlam kil leh Pu Rinliana Building hmarlam kil inkar chu lirthei eng chi mah din phal a ni lo ang. 2) Police Run luhna Gate leh Gate inkar kawng thlang lam 12 metres a thui, 2.2 metres a zau chu Line Bus Stand tur a ni. 3) Pu Lalthanzara In a banlai atanga Hmarlam Pu Thangruma In kil Hmar lam thleng 13 metres a thui, 2.2 metres a zau chu Line Bus Stand tur a ni. 4) Pu Challuta In Chhimlam kil Step atanga Chhimlam Pi Thangliani In Hmarlam kil thleng 30 metres a thui, 1.5 metre a zau chu Two Wheeeler Parking a ni. 5) Pi Thangliani In Hmarlam kil atanga Chhimlam ah Pu Thangthuama In chhimlam tawp thleng 24 metres a thui, 1.5 metres a zau chu Taxi Stand a ni. (Taxi 7 tan). 6) A chunga Sl. No. 5 a sawi Taxi Stand atanga Chhimlam New Market luh pheina Junction thleng 30 metres a thui, 1.5 metres a zau chu Dropping Zone a ni. 7) A chunga Dropping Zone Hmarlam Chhinga veng YMA dawr leh TS Market inkar kawng chhuklai a Two Wheeler te hi a chhak a Two wheeler Parking (Sl.No.4) ah dah chhoh vek tur a ni a. Helai hmun ruakah hian lirthei eng chi mah dah phal a ni lovang.