No.7968/2020-2021

Dated Serchhip, the 30th March, 2021: Vawiin hian Pu Lokesh Kumar, IAS, General Observer fro 26- Serchhip ST AC bye election chuan Election Nodal Officer te DC Meeting Hall ah meeting a neih pui a. Inhmelhriatna hun leh hmalak tawh chin tlangpuite sawi hona hun an hmang.

Pu Lokesh Kumar chuan, meeting chu Nodal Officer te hmalak tawh dan kimchang inzawhfiahna hun a nih lem loh thu leh inhmelhriatna leh hmalak tawh chin tlangpui inhriatpui tawn nana buatsaih a nih thu a sawi a, Nodal Officer hrang hrangten an chanvo te hrilhin an hmalak tawh china thil pawimawh zual te an tarlang bawk a, Observer hian zawh duh a neih thenkhat te zawtin; inthlan inbuatsaihna kal zela sawi duh an neih te an sawi ho zui a ni.

General Observer biakpawh theihna Number hi Serchhip DIPRO & Bye Election Media Centre chuan vawiin vek hian mipuite hriat turin a tlangzarh tawh a, inthlanna thila amah be pawp duh leh hmaichhan ngeia kawm duhte tan biakpawh theih reng a ni.

Meeting ah hian Pu Kumar Abhishek, IAS, DEO leh RO ni bawkte, Pu Amol Srivastava, IAS, ARO te Pu Stephen Lalrinawma, SP Serchhip leh Nodal Offic er te an kal kim a ni.