Vawiin chawhma dar 11 khan Pu Kunal, IAS Deputy Commissioner,  Saiha District, Saiha Office chamber-ah Centrally Sponsore Scheme hrang hrang heng- BADP, BRGF, NREGS, SGSY, IWMP etc Review meeting neih a ni.

He meeting-ah hian District Bawrhsap Pu Kunal chuan Centrally Sponsored Schemes hnuaia hnathawh leh hmalakna-a Convergence Plan (hna pakhat ni si, Scheme pahnih-pathum department hrang hrang ten in thawh thuah awm tawh lohna tura ruahmanna) fel fai tak duan a tul thu sawiin, Officer kalkhawm te chu an hnathawhna-ah Guide Line te zawm hram turin a chah hlawm a ni.

He meeting-ah hian Mizoram Remote Sensing Application Centre (MIRSAC) atanga Scientist pathum lokal Sr.Scientist, Pu Lalnunsiama Colney, Sr.Scientist, Pu K.Lalrammuana leh Scientist, Pu Robert L.Sailo ten Geographic Information Symtem (G.I.S) hmanga Zawngling ram leilung pianhmang Remote Sensor hmanga Map hrang hrang an siamte entirna hun leh sawifiahna hun an hmang bawk a ni.

Zawngling ram hi G.I.S planning hnuaiah Pilot Project atan thlan niin, Satellite hmanga Data an lak khawmte hmang hian NLUP hlawhtling taka kalpui anih theih nan Micro Level Planning felfai tak kalpui tum a ni.

Pu Kunal chuan Scientist lo kal te chu GIS hmanga Saiha District chhunga khua awm zawng zawng te, ram leilung chanchin chauh nilo, mihring chengte hriselna chung chang, crime rate leh thil dang dang pawh mapping tih vek theih a nih thu sawiin, Scientist te chu hetiang kawnga ke an pen phawt chuan theih tawpa tanpui a huam thu a sawi bawk.Scientist pathum te hian vawiin tlai hian Zawngling panin Saiha an chhuahsan dawn a ni.