Vawiin khan Chief Minister Office cabinet room-ah Chief Minister Pu Lal Thanhawla kaihhruaina hnuaiah Council of Ministers meeting neih a ni.

Cabinet Meeting-ah hian thurel tur agenda 7 (pasarih) chhawpchhuah a ni a. Chung zingah chuan School Department hnuaia Higher Secondary School-a contract basis a Lecturer hna thawk mek engemawzah chu tih ngheh a, regularised tura rawtna chu Cabinet meeting hian a pawm a. The Draft Mizoram Right to Public Service Rules, 2015 pawh pawmin, he rules hian department hrang hrang ten mipui nghawng thei hna bik thawh an neih, entirnan Revenue department chuan LSC siam, DC office chuan silai licence siam etc.., chu hna chu tunge a khawihtu, engtik hun chhunga thehluh tur nge, engzatnge sum chawi ngai tih leh a dang dangte hriattirna ‘notification’ chhuaha mipuite an hriattir tur a ni a. Hemi bakah Labour Law hnuaia Draft Industrial Disputes Rules, 2015 pawh pawm a ni a. Taxation department hnuaiah Vaihlo leh a kaihhnawih te atanga sorkarin chhiah 20% a lak mek atanga 30% a tihsan te Cabinet Meeting hian a pawm bawk a ni.