Chakma Autonomous District Council dinglai term chu April 23, 2018 hian a lo tawp dawn tak avangin Chakma Autonomous District Council  (Constitution, Conduct of Business etc.) Rules, 2002 Sub-rule (1) of Rule 142 in a sawi angin Chakma Autonomous District huam chhungah District Council thar thlan a lo tul ta a. Vawiin hian District Council & Minority Affairs Department chuan hriattirna tichhuakin Mizoram Governor in CADC huamchhungah inthlan neih a nih tur thu a puang. Election neih dan tur (election schedule) erawh State Election Commision in electoral roll final publication a tihchhuah hnuah puan a ni ang. Chutiangin Model Code of Conduct pawh State Election Commission-in inthlan a puan hunah hman tan tur a ni ang.