3731/2024-2025

Dated Lawngtlai, 8th January 2025 : Vawiin khan Chakma Autonomous District Council (CADC) huamchhunga Village Council (VC) inthlanna neih tur atan 'Draft Electoral Roll' tlangzarhna inkhawm chu  SDO (C) Office, Chawngte ah neih a ni a. Pu Cheemala Siva Gopal Reddy, IAS, District Election Officer (DEO) chuan Draft Roll hi a tlangzarh.

Pu Cheemala Siva Gopal Reddy chuan Electoral Roll tlangzarh theih tura theihtawp chhuahtute chungah lawmthu sawina a nei a.  District Election Officer chuan Democracy ramah mipuiten an aiawh an thlang thin a, inthlanna fel fai leh thianghlim awm turin uluk taka Electoral Roll siam a pawimawh thu a tarlang a.  Village Council Member-te chu khawtlang mipuite innghahna hmasa leh tangkai, a bulthut a hnathawktu tur an nih avangin VC memeber tur  thlanchhuah thiam pawh a ngai hle  a ti. Ralmuang leh zalen taka inthlanna awm tura Election Official- te theihtawp chhuah tura fuihin, Pu Cheemala Siva Gopal Reddy chuan CADC huamchhunga tlawmngai pawl hrang hrang leh mipuite thawhpuiah a sawm nghal bawk.

Vawiin 'Draft Electoral  Roll' tlangzarh atang a a lan danin,  CADC hnuaiah VC-  88 awmin,  mipa vote nei mi- 18,212 leh hmeichhia vote nei mi-  17,682  awmin, a vaiin vote nei mi- 35,894 an awm a ni. Electoral Roll- a hming inthun thar, hming paih emaw tih dikna siamna  atan ni 6- 16 January, 2025 thleng hun hawn niin, January ni 17 atangin dilna lut te chu ERO leh AERO te'n an endik dawn a ni.

Pu Zoramsiama Hmar, Assistant District Election Officer leh Pu Collin Hlychho, Election Officer (EO) ten vawiin 'Draft Electoral  Roll' tlangzarh inkhawm hi an hmanpui bawk.