4282/2024-2025

Lawngtlai, 17th February 2025: Chakma Autonomous District Council (CADC) huamchhunga Village Council (VC) inthlanna neih tur atana inbuatsaihna kal zelah vawiin khan Pu Cheemala Siva Gopal Reddy, IAS, District Election Officer (DEO) kaihruaiin a Office Chamber-ah thutkhawm neih a ni.

Pu Cheemala Siva Gopal Reddy, chuan kalkhawmte hnena lawm thu sawina a nei hmasa a. Ralmuang leh zalen taka inthlanna neih a nih theih nan Election Official- te theihtawp chhuah turin a chah a. Chakma Autonomous District Council (CADC) mipuiten an aiawh mitha, fel leh rintlak thlangchhuak ngei tura duhsakna hlanin, District Election Office - chuan inthlanna felfai leh thinghlim awm tura theihtawp a chhuah chhunzawm zel  thu a tarlang nghal bawk.

Thutkhawmah hian Polling Station (PS) a Police duty tur leh Sector Police Officer tur chungchang sawiho a ni a. Pu Tlualaisa Hlychho, Addl. SP chu  Police duty tur leh an mamawhte   lo buaipui tura tih a ni a. Pu R. Malsawmdawngliana Khawlhring, Programme Assistant, DRDO leh Pu Lalchhanhima, DO, DM&R chu   security leh Official- te thlenna tur  hmun enfiaha  Chawngte hmuna kal tur leh Friday - a report thehlut tura tih an ni a. Inbiak pawhna lamah harsatna awm lo tura hmalak ni se tih rel a ni a.    CADC huamchhungah ralmuang leh felfai taka  Village Council (VC) inthlanna awm tura a tul dan ang zela hmalak nise an ti bawk.

Vawiin thutkhawmah hian Pu Zoramsiama Hmar, Asst. District Election Officer, Pu Tlualaisa Hlychho,   Addl. SP, Pu Collin Hlychho, Election Officer (EO), Pu R. Malsawmdawngliana Khawlhring, Programme Assistant, DRDO, Pu Lalchhanhima, DO, DM&R leh Pu Zonunchama Ralte, DIPRO te an tel a ni.