4369/2024-2025

Lawngtlai, 21st February 2025: Chakma Autonomous District Council (CADC) huamchhunga Village Council (VC) inthlanna neih tur atana inbuatsaihna kal zelah vawiin khan Pu Cheemala Siva Gopal Reddy, IAS, District Election Officer (DEO) kaihruaiin a Office Chamber-ah Nodal Officer leh Political Party aiawh ten  thutkhawmna an nei.

Pu Cheemala Siva Gopal Reddy, chuan Nodal Officer leh Political Party aiawh lo kalte   hnena lawm thu sawina a nei hmasa a. Chakma Autonomous District Council (CADC) ah Village Council (VC)  inthlanna hlawhtling tak awm turin  Nodal Officer- leh Political Party - ten mawhphurna lian leh pawimawh tak an nei tih a tarlang a. A bik takin Political Party- te chu Nodal Officer- te tha taka thawhpui tur leh harsatna an neih ang angah anmahni râwn thin turin a chah a. DEO chuan Political Party -te chu thianghlim taka in elna nei tura fuihin, tul loah chuan 'complaint' siam mai mai lo turin a ngen a ni. Ralmuang leh zalen taka inthlanna awm turin DEO leh Nodal Officer-  ten theihtawp an chhuah reng tih tarlangin, Political Party te pawh thahnem ngai taka thawhpui tura  sawmin, inthlanna lo awm turah  duhsakna a hlan nghal bawk.

Thutkhawmah hian Political Party aiawh lo kalte hian harsatna hrang hrang an neih bakah fel fai leh thianghlim taka inthlan awm tura an ngaihpawimawh zawngte an thlen a. District Election Officer chuan an thil thlente  ngaihpawimawh a nih thu leh theih ang anga hmalak a nih tur thu a tarlang a. Inthlanna hlawhtling leh thianghlim nei tura thawhho zel an tum thu an tarlang bawk.

Vawiin thutkhawmah hian Nodal Officer leh Political Party atangin, BJP, INC leh MNF aiawhte an tel thei a ni.