Vawiin zing dar 10:00 atang khan District Child Protection Unit (DCPU), Champhai buatsaihin Champhai District chhunga Childrens’ Home awm pahnih Genesareth Gospel Children’s Home leh Shelter Home-a thawkte tan I& PR Conference Hall, CHANEM Building ah “ Capacity Building Programme” neih a ni.

He training programme hi Pi R.Lalrinchhani, District Child Protection Officer (DCPO) in kaihruaiin, District Child Protection Scheme (ICPS) chungchang a sawifiah a. Pi Lalsiammawii, Legal-cum-Probation Officer (LPO) in Juvenile Justice (Naupangte venhimna leh tanpuina dan chungchang) a sawi a, Pi J.Lalruatlawki , Protection Officer(IC) in Childrens’ Home a thawktute tihtur hrang hrang ah te zirtirna a pe a, Pu Laldinpuia Accountant in Account vawn dan leh file enkawl dan zirtirna a pe leh in Pi Lalramzauvi Chhangte in counselling pawimawhna leh tangkai taka hman dan a zirtir bawk a ni.

Tun dinhmun ah hian Champhai District chhungah Sawrkar hriatpuina a din naupang Home pahnih Genesareth Gospel Home leh Shelter Home te a awm mek a. Heng Home pahnih ah te chauh hian naupang dah luh phal a ni. Child Welfare Committee (CWC) Champhai hriatpuina lo chuan Home a naupang dahluh leh lakchhuah phal a ni lo. HEnf Home pahnih te hi Distirct Child Protection Unit (DCPU) Champhai kaihhruaina hnuaia awm a n ni.

Naupang Dan kalha awmte enkawlna leh siamthatna hmun tur Observation Home, Champhai Distirct ah neih a la ni lova, neih thuai anih theihna turin chak taka hma lak mek a ni.