2121/2024-2025

Aizawl, 18.09.2024: 1 Mizo Batallion NCC Aizawl hnuaia National Cadet Corps (NCC) cadet 350 tan ni 10 chhung awh Combined Annual Training Camp (CATC), Tanhril Training na hmunah buatsaih chu vawiin khan an khar. Training ah hian Senior Division/Senior Wing (SD/SW) cadet te telin, Associate NCC Officer (ANO) pahnih an tel bawk.

NCC Group Headquarters, Silchar leh NCC Directorate North Eastern Region (NER), Shillong ruahmanna angin NCC Cadet te thiamna hrang hrang belhchhah na turin training hi buatsaih a ni a. Drill, Firing, Weapon Training, Map reading, First Aid leh mahni inthununna lamah te training hi neih a ni a. Military Hospital Team, Vaivakawn Police Station leh Exchange Participant’s Association (EXPA) atanga guest lecturer kal ten zirtirna hrang hrang an pe bawk a ni.

Commanding Officer, 1 Mizo NCC Battalion kaihhruainain training chhunga tithate chawimawina chu 17.9.2024 khan neih a ni a. Camp Commandant, Colonel SS Kalia chuan NCC cadet te fuihna thu a sawi bawk.