Vawiin chawhnu dar 1:00 khan Lunglei Bazar Hall ah Sport Minister Pu Zodintluanga'n Catch Them Young 2011 Karate a hawng. He hun ah hian All Mizoram Karate Association (AMKA) Lunglei in Karate hmuh nawm tak an entir a, Minister tawiawm tu Parliamentary Secretary Pu.S.Laldingliana hnen a tangin AMKA, Lunglei te chuan Karate Equipment thenkhat an dawng bawk. He Programme hi District Sport & Youth Service Officer Pu J.Vansangzuala'n a kai hruai ani.

Minister chuan Mizoram Sawrkar in Catch Them Young Policy chu Sport Department tana Flagship Prog. a duan leh a ngaihpawimawh anih thu a sawia, mizote Talent tha takhi naupang lai a tanga awmzenei a kan chher chhoh theih phawt chuan India rammai nilovin Khawvel hriatah kan lar chhuah pui dawn ani ati. Mizo Thalai te chuan tunhma lama kan tih than lemloh Silai kah , Snooker, leh Muaythai ah te National leh International standard nei theiin hun reilote chhung ah kan thiam hman der tawh ani ati. Mizo infiam mite chher chho tur hian Chisf Minister Pu Lal Thanhawla kaih hruaina hnuai ah sawrkarin hma ala mek zel a, Karate Mat pawh Lunglei ah Karate zirlai hman theih turin buaipui thuai ani ang ati. Pu S.Laldingliana Parliamentary Secretary pawhin tunhma lama Mizo infiam mite mahni a inzir leh tualchher thiamna neite India leh khawvel hriatah an lo awmtawh thin thu a sawi a, Catch Them Young Policy hmanga enkawl sei len te tan phei chuan a eng hle ani ati.