Vawiin khan Food, Civil Supplies & Consumer Affairs Secretary Pi M. Zohmingthangi IAS ho in tunlai cement man to chungchang a office-ah Sub- committee on Quality Control of Cement and Iron Rod in an sawi ho.
An chairman Pi M. Zohmingthangi chuan tunlai a Mizoram-ah Cement man asang em avangin Cement Agent Association ten lak luh rih loh te an rel a. Hetiang a nih chuan Insak hna thawh hun lai tak anih avangin mipui in an tuar thei dawn a, engtiang a hmalak tur nge tih chu an committee inkoh chhan ani a ti a.
He thu hi huam zau takin an sawi ho a, Mizoram a cement Agents ten harsatna hrang hrang an tawh mek dan te an sawi ho a. A kaihhnawih Department hrang hrang te pawhin an hmalak dan te an sawi ho hnuah tun din hmun ah chuan Cement Company lam pawh in engemaw chen tih hniam an tum thawm te hriat ani bawk a, la ngaih chan rih nise an ti a.
Chutih rual chuan Cement Company hrang hrang hotute Aizawl-ah inhmu khawm tura sawm a, Mizoram tana harsatna hrang hrang leh a chinfel dan sawipui nise an ti a ni.
