Vawiin khan Central YMA, LE&IT leh Mizoram Building & Others Construction Workers Welfare Board tangkawp Cement Mistiri Training buatsaih chu YMA Sub Hqrs Conference Hall, Lunglei ah Khuallian Pu S.Laldingliana, Vice Chairman, HPC in a hawng.

Hawnna inkhawm hi Vice President, YMA Sub Hqrs, Lunglei Pu Lalrotluanga chuan kaihruai in, Khuallian Pu S.Laldingliana, Vice Chairman, HPC Lunglei chuan kan ram leh hnam humhalhna kawnga pawimawh tak an buatsaih avangin lawmthu a sawi a. Hnam changkang zawk ten kuthnathawh hi an ngaisang in an ngaihlu em em a, chuvangin Kuthhnathawh hi a zahthlak lova kan uar deuh deuh a pawimawh ani a ti. Kan ram leh hnam humhalh theihna pakhat chu cement work hi a ni a, hnamdang in a an thawh theih hi keini pawhin kan thiam in kan thawk ve thei ani tih kan lantir a ngai a, hnamdangte kan luahlan theih naturin kan thil zir hi tihtakzet leh dawhthei takin, thiamna pawchhuak ngei turin tan i la ang u a ti. Pu S.Laldingliana chuan eng hna pawh thawk ila rinawmna, taihmakna, tih tak tak na leh midang tana chhawr tlak ni turin kan thawk tur a ni a ti.

He Cement Mistiri Training hawnna hun hi Central YMA hruaituten an rawn telpui a, Pu Thangropianga, District Employment Officer pawhin thusawina tawi a nei a ni. He training hi thla khat (1) chhung awh tur a ni, Training tur hian mi 102 an in ziak lut a ni.