Vawiin chawhma dar 10:30 khan DC’s Conference Hall, Saiha-ah ni thum chhung neih tur Chhiarpui (Census) chungchang training neih a ni. He training hi Pu K. Thankhuma, DRO & Charge Officer, Saiha Town in a kaihruai a training a tel te hnenah lawmthu sawiin thatak leh tluang taka training nei turin a chah a ni.
Pu H. Lalhmingthanga, Election Officer & Additional District Census Officer chuan thu sawiin kum 10 danga India rama Census neih thin hi khawvel huap pawha chhuanawm leh hautak ber anih thu a sawi a, hemi census neihna tura chhawr tlak leh rintlaka kan awm hi a lawmawm a ni, a ti a. India ramah Kum 1872 khan chhiarpui hmasa ber hi neih a lo nih tawh thu sawiin training a kalte hnenah inthlahrung taka training nei tura sawm an nih thu a sawi nghal bawk a ni. India ramin census a lo neih tawh thin dan te tarlangin Kum 2011 a census hi thuang hniha kalpui tum a nih thu a sawi bawk. Census neih dan tur tlangpui leh a pawimawhna chi hrang hrangte sawiin chhungtinte dinhmun dik tak chipchiar taka zirchianna neih anih tur thu a sawi bawk. Dan “Census Act 1948” behchhana census hi neih anih thu sawiin, he census avanga niin a hna chungchangah harsatna a tawh palh chuan duty laite chu danin a hum tlat a ni a ti bawk. Training-te mawhphurhna leh an tih tur chi hrang hrangte sawilangin fimkhur tak leh dik taka he census hi nei turin training a tel te chu a chah a ni.
He census training-ah hian Pu H.P. Lalremthanga, Master Trainer & Lecturer, DIET Saiha chuan training-te hnenah lecture a pe a, Saiha district chhunga school hrang hrang zirtirtu mi 54 in he training hi an nei a ni.
He census training-ah hian Pu H.P. Lalremthanga, Master Trainer & Lecturer, DIET Saiha chuan training-te hnenah lecture a pe a, Saiha district chhunga school hrang hrang zirtirtu mi 54 in he training hi an nei a ni.
