Vawiin chawhma dar 10 khan Block Resource Centre (BRC) Tuipang-ah nithum chhung neih tur Chhiarpui (Census) chungchang training-na neih a ni. He Training hi Pu K.Lalnuntluanga B.D.O. & Charge Officer in a kaihruaia training a telte hnenah lawmthu sawiin thatak leh tluang taka training nei turin a chah a ni.

Pu H.Lalhmingthanga, Election Officer & Additional District Census Officer chuan thu sawiin Kum 10 dana India rama Census neih thin hi khawvel huap pawha chhuanawm leh hautak ber anih thu a sawi a, hemi census neihna tura chhawr tlak leh rintlaka kan awm hi a lawmawm a ni, a ti a, India ramah kum 1872 khan chhiarpui hmasa ber hi neih a lo nih tawh thu sawiin training a kal te hnenah inthlahrung taka training nei tur a sawm an nih thu a sawi nghal bawk a ni. India ramin census a lo neih tawh thin dan te tarlangin Kum 2011 a census hi thuang hnih a kalpui tum a nih thu a sawi bawk. Census neih dan tur tlangpui leh a pawimawhna chi hrang hrangte sawiin chhungtinte dinhmun dik tak chipchiar taka zirchianna neih anih tur thu a sawi bawk. Dan “Census Act 1948” behchhan a census hi neih anih thu sawiin he census avanga miin a hna chungchangah harsatna a tawh palh chuan duty laite chu danin a hum tlat ani, a ti bawk. Trainingte mawhphurhna leh an tih tur chi hrang hrang te sawilang in fimkhur tak leh dik taka he census hi nei turin training a telte chu a chah a ni.

He Census training hi Pu Malsawmdawngliana, Master Trainer chuan kaihruaiin Enumerators leh Supervisors te an telkim hle a ni.