Vawiin chawhma dar 11 khan Circuit House Conference Hall Lunglei-ah chhimlam district huap Lunglei, Saiha leh Lawngtlai tan Second District Level Meeting cum Training on Census neih a ni. He training hi Pu P.C. Lalthanliana, LAD etc. Minister-in a hawng a, Pi M. Zohmingthangi IAS, Lunglei Bawrhsap in a kaihruai a ni.
Hawnna thu sawiin Pu Lalthanliana chuan chhiarpui hi Isua hun lai atang tawhin a in tan tawh tih kan hria. India ramah kum 10 danah neih a ni thin a. 2001 hnuah 2011 chhiarpui hi India rampumah neih a ni dawn a ni a ti. Chhiarpui neiha India ram mipui awm zat dik tak hriat hi ram leh hnam tan, hna thawh nan leh hmasawnna hna thawhnan a pawimawh a ni a ti. Central Fund, State Fund leh thil tam tak pek leh thawh nan population base a ngai thin a, chuvang chuan thawktute pawhin India ram leh Mizoram population dik tak kan hriat theih nan fimkhur leh taima taka thawk turin a ngen a ni.
Vawiin meeting leh training ah hian District pathum atangin mi 42 an kal khawm a. Census training tak tak hi chawhnu ah tan in 9.4.2010 thleng a awm dawn a ni. He training hi Pu Lalhmingthanga, Dy. Director (Census) hovin National Trainer ten an neih pui dawn a ni.
Vawiin meeting leh training ah hian District pathum atangin mi 42 an kal khawm a. Census training tak tak hi chawhnu ah tan in 9.4.2010 thleng a awm dawn a ni. He training hi Pu Lalhmingthanga, Dy. Director (Census) hovin National Trainer ten an neih pui dawn a ni.
